 |
Þú ert hér > Forsíðan - heim: Lingua / Norðan Jökuls > Norðan Jökuls: leiðsögn, akstur, ráð
Norðan Jökuls: leiðsögn, akstur, ráð
Kynnumst náttúru og menningu landsins!
Ísland hefur margt að bjóða en ýmislegt fer fram hjá þeim sem ekur um landið án þess að kynnast náttúrufari og mannlífi nánar. Þjálfaður leiðsögumaður eykur þekkingu á umhverfinu og hjálpar ferðamanninum við að njóta þess.
Norðan Jökuls leggur áherslu á græna ferðaþjónustu, sem felur í sér skilningsríkt samband við náttúruna, heimamenn og menningu þeirra. Fyrirtækið aðstoðar einnig þá sem vilja skoða landið fótgangandi. Philip Vogler, stjórnandinn, hefur leiðsagt um allt land og lært til þess en hefur með tímanum sérhæft sig um norðan- og austanvert landið, frá Húnaflóa austur og suður um til Mýrdalssands.
Fyrir einstaklinga og litla hópa er oftast til reiðu jeppi (Ford Escape) sem rúmar allt að fjóra farþega auk bílstjórans. Philip hefur sérstakt leyfi samgönguráðuneytis til að aka við leiðsögn og akstur ferðamanna. Fyrir stærri hópa getur fyrirtækið aðstoðað við að útvega rútu og sér bílstjóra. Það hefur einnig leyfi sem ferðaskipuleggjandi.
Höfuðatriðið telur fyrirtækið ætíð að viðskiptavinurinn hafi gaman af ferðalaginu og verði ánægður. Kjörorðin hljóða:
Gæði og þjónusta í fyrirrúmi!
|
Til baka
|
|
