 |
Þú ert hér > islingua.is > Almennt um þjónustu og stefnu Lingua/Norðan Jökuls > Saga þjónustunnar, ferðaráðgjöf - Norðan Jökuls
Saga þjónustunnar, ferðaráðgjöf - Norðan Jökuls
Aðaleigandi fyrirtækisins, Philip Vogler, lærði til leiðsagnar um Ísland árin 1981 til 1982 og vann á hverju sumri við margskonar ferðir um allt land. Frá 1982 bjó hann á Egilsstöðum og bætti við sig svæðisleiðsögn um Austurland árið 1992.
Það var árið 1993 sem Norðan Jökuls byrjaði að bjóða þriggja daga ferðir um hálendið norðan Vatnajökuls, eins og nafn fyrirtækisins bendir til. Ferðin tók þrjá daga milli Egilsstaða og Mývatns og var að mestu leyti í óbyggðum. Gist var í Snæfellsskála og á Skjöldólfsstöðum í Jökuldal. Næsta dag eftir ferðina var haldið til baka frá Mývatni til Egilsstaða með nýjan hóp. Þegar árin liðu var líka farið að bjóða ferðir um láglendi Austurlands og að vinna saman við Tanna Travel á Eskifirði.
Árið 2004 kláraði Philip ferðamálafræði sem aukagrein. Síðan það ár hefur aðalþjónusta Norðan Jökuls falist í að selja leiðsögn, jafnvel sérhannaða leiðsögn fyrir hvern sem vill: einstaklinga, ferðaskrifstofur og félög af ýmsu tagi. Handa sömu aðilum er Philip til gegn greiðslu í að hjálpa að móta heppilega ferðaáætlun. Hann getur túlkað og komið á tengslum við heimamenn auk þess að semja eða bæta ferðalýsingar fyrir félög og fyrirtæki. Sjáið einnig síðuna um tungumálaþjónustu Lingua.
Þó að Norðan Jökuls geti þjónað um land allt, sérhæfir það sig áfram um Austurland og norður um til Húnaflóa eða suður um til Myrdalssands.
|
Til baka
|
|
