Áhugamannavísur eftir Philip Vogler

Athugið að Philip hefur ekki íslensku að móðurmáli og þýðir aldrei sjálfur á íslensku í vinnu sinni heldur eingöngu á ensku. Hann vinnur á hinn bóginn oft með móðurmálsfólki á íslensku eða þýsku og hjálpar því að bæta þýðingarnar sínar. Stundum að neðan hefur hann sjálfur fengið gagnrýni og jafnvel stundum tillögur hjá öðrum til að bæta vísurnar en þær hafa aðeins verið til gamans og aldrei hluti af atvinnustarfsemi Lingua/Norðan Jökuls.

Birtist á vefi  Fjallahjólaklúbbsins í nóvember 2012:

Ég hafði rætt við konuna mína um hjólabrautir og hjólandi fólk. Svo sáum við samtímis til bíla á vegi og hjóls á stígi. Þá datt mér í hug að maður á hjóli myndi gleðjast yfir því að eyða orku en maður á bíl sjá eftir því að eyða orku.

Ef lít á hluti læri ég mest,
líf er góður skóli.
Mér finnst að eyða orku best
ef um ég fer á hjóli.

Hringhendar ferskeytlur sem birtust í þættinum Mælt af munni fram í Bændablaðinu 6. 9. 2012:

Veistu lamb að líður vor
með leik og þamb sem víðast?
Af fjallakambi kveður spor
þar kýst að ramba síðast.

Um þig varmt í vor ég tek,
vart þinn sjarm kann orða.
Í sláturfarm svo fjöldann rek
sem fæstir harma að borða.

Vísa birt í Vísnahorni Morgunblaðsins 29. 5. 2012: 

Garð-yrki

Það gefur margt við garð að fást
þú græðir meðan yrkir.
Að eigin blómi í orði að dást
eflir líf og styrkir.

Birtist í ársriti Garðyrkjufélags Íslands 2012:

Garðgáta

Snyrtilegt þeir sníða gat
sniðugir í garði,
snæða úr beri og sneiða um hrat,
snúa hægt frá skarði.

Vísbending um svar er rétt undir vísunni AÐ-ventu frá í desember 2011!

Mars 2012:

Hringhenda sem ég samdi su. 4. 3. 2012 á meðan ég gekk með fjölskyldufólki undir Vaðlaheiði:

Upp á heiði alla leið
áleit greiða og varla langa,
þar enga reiði, aldrei neyð -
því eftir beið svo lengi að ganga?

Desember 2011:

Stuttu fyrir aldamót vann ég með öðrum að því að stofna Félag ljóðaunnenda á Austurlandi. Yfir veturinn allrasíðustu árin hittumst við nokkrir félagar mánaðarlega á Egilsstöðum til að heyra og ræða ljóð hver annars á svokölluðum ljóðastundum. Á ljóðastund í desember 2011 var jóla- og áramótaþema:

AÐ-venta

AÐ éta sig í jólastuð,
AÐ japla og endalaust AÐ hlakka,
vömb AÐ fylla verður puð,
AÐ velja handa fólki pakka.

(Vísbending vegna Garðgátunnar ofar á síðunni: Ef svarið sýnist þér óljóst, prófaðu að lesa vísuna upphátt og hugsa um hljóðin. Til að sjá að lokum hvort þú fannst rétt svar, getur þú fundið það allraneðst á þessari síðu!)

Eftirfarandi ferskeytlu sendi ég viðskiptavini í Skagafirði. Hér byggi ég á gömlum málshætti:

Glöggt við vitum gestsins auga,
getur fleira séð.
Um skynjun þess ei skulum spauga:
Skóginn sér OG tréð. 

8. til 10. 7. 2011 gekk ég með öðrum hjá Ferðafélagi Íslands um Haugsöræfi til Vopnafjarðar. Ferðin hét Í fótspor framfara enda um símlínurnar sem voru orðnar yfir 100 ára gamlar. Ævar Kjartansson guðfræðingur og útvarpsmaður leiðsagði enda tengdur Grímsstöðum. Þessi vísa varð eftir í gestabók Austara símhússins nema hvað ég hef síðan breytt annarri hendingu lítillega:

Viljir þú um veröld ganga,
vina þinna njóta einn,
heimur býðst við línu langa
laus við þrengsl og ávallt hreinn.

  Svar við Garðgátuna: Sniglar

Lingua / Norðan Jökuls ehf. | kt. 660601-2360 | VSK-nr. 71536 | © 2011 | Öll réttindi áskilin
Dalskógum 12, 700 Egilsstaðir | Sími 471-2190 | lingua1@islingua.is